Pinay sa Kuwait hinalay ng sponsor

By Noel Abuel, Abante, June 17, 2016

Inaresto ng mga awtoridad ang isang Kuwait national makaraang akusahang nanghalay sa isang Filipina domestic worker sa nasabing bansa.

Sa ulat, dinakip ng security men ang hindi pinangalanang suspek sa loob ng tahanan nito at dinala sa General Department for Criminal Evidences para sampahan ng kaukulang kaso.

Sinasabing inakusa­han ng biktima ang sponsor nito na makailang ulit na hinalay sa loob ng pi­nag­lilingkuran nitong bahay sa Rumaithiya district.

Dito ay humingi ng tulong ang biktima sa Rumaithiya Police Station kasama ang tauhan ng Philippine Embassy Kuwait upang ireklamo ang sinapit nito sa kamay ng employer nito.

Sa pahayag ng nasabing Pinay, makailang ulit na hinalay ito ng sponsor sa loob ng kuwarto nito kung saan tinakot umano ito ng huli kung magsusumbong hanggang sa hindi na matiis ng una kung kaya’t nagsumbong na sa embahada.