By Noel Abuel, Abante, August 11, 2016
Patay ang isang Pinay domestic helper makaraang aksidenteng mahulog sa bintana ng isang residential apartment sa bansang Hong Kong.
Sa ulat ng Apple Daily, kinilala ang nasawing overseas Filipino worker (OFW) sa pangalang Dulluog, 35-anyos, na idineklarang dead on the spot sa lugar ng aksidente.
Ayon sa inisyal na imbestigasyon, dakong alas-8:47 ng umaga nang maiulat ang insidente sa residential apartment sa Lohas Park Phase 3 sa Tseung Kwan O.
Sinasabing nakitang buhay ang biktima habang abala sa paglilinis ng salamin ng bintana at makalipas ang ilang minuto ay nakita na lamang itong naliligo sa sariling dugo nang bumulusok pababa.
Hinihinalang nadulas ang biktima kung kaya’t aksidente itong nahulog.
#WearMask #WashHands
#Distancing
#TakePicturesVideos
