Minor bantayan sa firecracker factory

By Jun Borlongan, Abante, September 24, 2016

Dapat imbestigahan ng awtoridad ang impormasyong nasa kasagsagan na ngayon ng pagmamanupaktura ng mga paputok at pailaw sa Bulacan, itinutu­ring na Firecrackers capital ng bansa, bunga ng paggamit ng mga batang manggagawa o menor-de-edad sa multi-milyong pisong industriyang ito sa probinsya.

Ayon sa impormasyong nakalap ng Abante, hindi pa din tumitigil ang ilang financier ng paputok sa pagkuha ng totoy at nene sa paggawa ng firecrackers at fireworks design partikular ang mga kolorum at small-scale manufacturers dahil nais nilang makatipid sa labor expenses.

Nakumpirmang naka­gawian na ng mga kolorum na pagawaan ng paputok na kumukuha ng mga batang manggagawa sa pagmamanupaktura ng paputok para makatipid sila sa kabila ng panganib na dala ng nasabing industriya dahil masyadong expose ang mga menor-de-edad sa mga kemikal at kauring materyales.