By Edwin Balasa, Abante, November 18, 2016
Patay ang isang obrero matapos itong malibing ng buhay sa malalim na hukay ng ginagawang subdivision kamakalawa ng hapon sa Naga City, Camarines Sur.
Agad na hinukay ng mga kasamahan at sinubukan pang dalhin sa pinakamalapit na ospital ang biktimang si Rodelio Mandasoc, 47, residente ng Barangay Bagong Bayan Poblacion ng lungsod na ito, subalit idineklara na rin itong dead-on-arrival ng mga sumuring doktor.
Lumalabas sa ulat ng pulisya na naganap ang insidente kamakalawa ng hapon habang naglalagay ng ‘culvert’ ang biktima sa malalim na hukay ng ginagawang Bicolandia Hills Subdivision na matatagpuan sa Barangay Del Rosario nang magkaroon ng landslide at natabunan ng lupa ang lalaki.
#WearMask #WashHands
#Distancing
#TakePicturesVideos
