by ABS-CBN News Apr 07, 2018
Nasagip ng mga pulis ang limang menor de edad mula sa isang itikan sa Pampanga Biyernes ng gabi kung saan umano sila pinagtatrabaho sa nakapanlulumong kondisyon.
Unang tinungo ng mga operatiba ng Quezon City Police District (QCPD) ang bahay ng itinuturong recruiter ng mga bata para pagtrabahuhin sa itikan sa San Luis, Pampanga.
Masukal ang daan papunta sa bahay ni alias “Lito” at nang matunton, tila maamong tupa itong humarap sa mga pulis.
“Ah ‘yung mga bata, ah oh sige po, kasi ‘yung amo nila po kausapin natin. Di naman po ako masamang tao,” aniya.
Ayon sa impormasyon ng mga pulis, si Lito ang kakausap sa mga kaanak ng bata at sasabihin na magandang trabaho ang ibibigay sa mga ito para maengganyo.
Pinaturo ng mga operatiba kay Lito ang tinitirahan ng mga bata, maging ang bahay ni alias “Bon” na siya umanong may-ari ng itikan.
Nakarating ang mga pulis sa Pampanga at sa gitna ng bukid kung saan nakakatusok ang mga talahib at napakadilim, natagpuan ang isang kubol.
Nagkalat ang mga pinaglutuan, mga damit, at wala man lang papag na higaan. Dito natagpuang natutulog ang mga menor de edad.
“Magdamit na kayo…Alam ba ng mga magulang niyo na nandito kayo?” ani ng isang pulis.
Sa QCPD Station 10 ang diretso ng mga suspek.
Ang mga bata, masaya man na makakauwi na sa kanilang mga pamilya, hindi lubos makangiti sa sinapit.
Depensa ni Bon, may pahintulot daw ng mga magulang ang pagtatrabaho sa kaniya ng mga bata.
“Alam naman po ng mga magulang. [Tsaka] pinapakain po sila nang maayos,” aniya.
Ang 14 anyos na si alyas “Ruben” ang naging susi para mailigtas ang iba pa niyang kasamahan. Tumakas siya Biyernes ng umaga at naglakad ng anim na oras mula Pampanga hanggang sa Quezon City para humingi ng tulong sa mga pulis.
“Ginawa ko nalang po ang lahat para makasama ko po ulit ang pamilya ko,” kuwento ni Ruben.
Dalawang araw lang nagtagal si Ruben sa itikan pero natakot na baka hindi na siya makauwi kaya tumakas.
Pebrero naman nang i-recruit ni Lito si alyas “Joel” kapalit ng malaking suweldo. Pero nang makita raw niya ang sitwasyon, hiniling niya agad na umuwi.
Mahaharap sa kasong paglabag sa Anti-Human Trafficking Law at child abuse sina Lito at Bon.
“The fact na dinala nila doon [is already] human trafficking. Non-bailable ito… Dahil mga bata sila, hindi na kailangan ‘yung means na pipilitin sila o hindi,” ani QCPD Director Chief Supt. Guillermo Eleazar.
Paalala ng pulis sa magulang, maging maingat at maalaga sa anak para maiwasan ang mga ganitong pang-aabuso.
–Ulat ni Isay Reyes, ABS-CBN News
It’s women’s month!
“Support women every day of the year!”
Invoke Article 33 of the ILO constitution
against the military junta in Myanmar to carry out the 2021 ILO Commission of Inquiry recommendations against serious violations of Forced Labour and Freedom of Association protocols.
Accept National Unity Government
(NUG) of Myanmar.
Reject Military!
#WearMask #WashHands #Distancing #TakePicturesVideos
Monthly Observances:
Women’s Role in History Month
Weekly Observances:
Week 1: Environmental Week
Women’s Week
Week 3: Philippine Industry and Made-in-the-Philippines
Products Week
Last Week: Protection and Gender-Fair Treatment
of the Girl Child Week
Daily Observances:
March 8: Women’s Rights and
International Peace Day;
National Women’s Day
Mar 4— Employee Appreciation Day
Mar 15 — World Consumer Rights Day
Mar 18 — Global Recycling Day
Mar 21 — International Day for the Elimination of Racial Discrimination
Mar 23 — International Day for the Right to the Truth concerning Gross Human Rights Violations and for the Dignity of Victims
Mar 25 — International Day of Remembrance of the Victims of Slavery and the Transatlantic Slave Trade
Mar 27 — Earth Hour
