2 lalaki natagpuang patay sa loob ng tangke ng tubig

Published by NTUCPHL Date posted on July 26, 2019

2 lalaki natagpuang patay sa loob ng tangke ng tubig
Karren Canon, ABS-CBN News
Posted at Jul 21 2019 07:52 AM |
Updated as of Jul 21 2019 07:09 PM

Natagpuang patay ang 2 lalaki sa loob ng isang tangke ng tubig sa bayan ng San Juan, Batangas nitong Sabado ng hapon.

Kinilala ang mga itong sina Pastor Joel Ramos, 47, at inaanak na si Jose Almarez, 43.

Ayon sa pamilya ng mga biktima, nasa loob ng tangke ng tubig ang mga ito para linisin at pinturahan ang loob ng tangke.

Pumasok ang dalawa sa loob ng tangke alas-8 ng umaga Sabado.

Hinihintay pa ng pulisya ang resulta ng post-mortem examination para makumpirma ang dahilan ng pagkamatay ng mga ito.

Pero sa kanilang inisyal na imbestigasyon, posibleng namatay ang dalawa dahil sa suffocation.

Maliit lang kasi ang butas ng tangke at walang suot na face mask ang mga biktima habang nililinis ang kalawang ng tangke gamit ang kemikal bago ito pinturahan.

Tinatayang nasa 10-12 talampakan ang lalim ng tangke.

Get Email from NTUC
Article Categories