19 Nov 2019 – TAMA NA! SOBRA NA! ITIGIL NA ANG UNLI RICE IMPORTATION! Kasama ang NTUC Phl sa broad coalition na ‘to. [Read more]

19 Nov 2019 – TAMA NA! SOBRA NA! ITIGIL NA ANG UNLI RICE IMPORTATION!

Kasama ang NTUC Phl sa broad coalition na ‘to.

Magdadaos ang iba’t ibang grupo ng mga magsasaka, NGOs at kaalyadong grupo ng isang pambansang kilos protesta ngayong Miyerkoles, Nobyembro 20, upang ipadama sa publiko at sa mga opisyales ng gobyerno ang daing ng mga magsasaka hinggil sa walang humpay na pagpasok ng imported rice at ang pagbagsak ng presyo ng palay na dulot ng Rice Tariffication at Liberalization Law.

Inaanyayahan po namin ang lahat ng mga magsasaka at grupo ng magsasaka sa kanayunan na lumahok sa kilos na protesta na ito. Wala pong mangyayari sa atin, at hindi tayo papansinin ng gobyerno, kung manatili tayong tahimik.

Maari po kayong magsagawa ng rally o martsa sa inyong lugar. Maglagay po tayo ng mga placard at streamer sa tabi ng highway at sa mga bus terminal upang ilathala ang ating mga hinaing. Magpadala tayo ng mga Resolution sa mga Senador at Congressman at sa ating mga lokal na opisyal.

Kanya-kanya po tayong galaw sa ating lugar sa Nobyembre 20, sa ating makakaya, pero sabay-sabay at iisa ang tinig hinggil sa issue ng rice tariffication at rice importation.

ITIGIL na ang Rice Importation!
HUWAG PATAYIN ang ating sariling Industriya ng Bigas!
IPAGTANGGOL ang ating mga Magsasaka!

NO TO RICE LIBERALIZATION MANIFESTO with signatories as of 21 Nov 2019